TEUTONICO LEOPOLDINA Societas Historiae Univers

TEUTONICO LEOPOLDINA Societas Historiae Univers
Germaniae, paulo ante novissimum hoc bellum, quô Imperium Germanico-Roman. imo praeter illud magna Europae pars, concutitur, felicibus auspiciis inchoata, Praeside Iobô Ludolfô Syndicô, N. Paulinô Medicô et Historicô Isenacensi, Sub-Syndicis per omnes Imperii Circulos, ac Collegis, Viris undiquaque Illustribus, Excellentissimis, πολυμαθεςάτοις, hactenus sub umbone Augusti feliciter processit. E' quibus annô praeteritô eruditas suas in Res Germ. B. Rhenani Notas Ulmae in lucem edidit Vir Ampliss. D. D. Iac. Otto, coeteri Viri Insignes in penso quisque suo, ad unguem elaborando gnaviter desudant. Vide Leges pro fundando Collegio Imperiali Hostorico, ad conscribendos Germaniae Annales, Francofurti editos A. C. 1691. Delineationem Imperialis Collegii Historici, it. Propositionem Imperialis Collegii Historici, quâ omnes-Germani-ad conscribendos Patriae Annales a primordio gentis inter Collegas distribuendos invitantur, qliaque hanc in rem publici iam iuris facta. Cui pulcherrimo coepto sic bene ominatur Auctor Ode ad Ioh. Lentium Prof. Herborn.
———— Rem geres,
Iunctus Ludolphis, iunctus Othonibus,
Conscrsque Paulino laborum,
Et Pregizere tibi diserte,
Vobisque tantis, quos dabit indies
Excelsa virtus connumerarier:
Sors namque dictat, ne venire
Omnibus hanc liceat Corinthum.
Vos Magna saltem nomina pergite
Sibi celebrem reddere Teutona,
:Et iura Mannorum tueris
Vos calamô, LEOPOLDUS ense!
Basileae, mense Sept. A. C. 1690.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.